Книги, главы из книг для написания диплома, курсовой работы, реферата по предмету Дошкольная педагогика: Из истории русской дошкольной педагогики: Мини-хрестоматия (Болотина Л.Р., Комарова Т.С, Баранов С.П. Дошкольная педагогика: Учеб. пособие. - М.: Академия, 1998. - 240 с.) - ДОМОСТРОЙ (Хрестоматия по истории педагогики/Сост. Н. А. Желваков. - М., 1938. - Т. IV, ч.1.

ДОМОСТРОЙ (Хрестоматия по истории педагогики/Сост. Н. А. Желваков. - М., 1938. - Т. IV, ч.1. - С. 28-29.)

<...>15. Како детей своих воспитати во всяком наказании и страсе божий. А пошлет бог, у кого дети, сынове или дщери, ино имети попечение отцу и матери о чадех своих: снабдите их и воспитати в добре наказании; и учити страху бо-жию и вежеству и всякому благочинию; и, по времени и детем смотря, и по возрасту, учити рукоделию; матери дщери, а отцу сынове, кто чего достоин, каков кому просуг бог даст; любити их и беречи, и страхом спасати. Уча и наказуя, и рассуждая, раны возлагати: наказуй дети во юности, покоит тя на старость твою; и хранити и блюсти о чистоте телесней, и от всякого греха, отцем чад своих, яко же зеницу ока и яко своя душа. Аще что дети согрешают отцовым и матерним небрежением, им о тех гресех ответ дати в день страшного суда. А дети, аще небрегомы будут, в ненаказании отцов и матерей, аще что согрешат или что зло сотворят, и отцем и матерем, с детьми, от бога грех а от людей укор и посмех, а дому тщета, а себе скорбь и убыток, а от судей продажа и соромота. Аще у богобоязливых родителей, и у разумных и благорассудных, чада воспитани в страсе божий, и в добре наказании, и в благорассудном учении, всякому разуму и вежеству, и промыслу, и рукоделию, и те чада с родителями своими бывают от бога помиловани, а от священнаго чину благословены, а от добрых людей хвалими; а егда будутв совершене возрасте, добрые люди, с радостию и благодарением, женят сыновей своих по своей версте, по суду божию; а дщери за их дети замуж выдают. И аще от таковых, которое чадо бог возьмет, в покаянии и с причастием; то от родителю бесскверная жертва к богу приносится, и в вечные кровы вселяются; а имеют дерзновение у бога милости просити, и оставление грехов и о родителях своих. <...>

17. Како дети учити и страхом спасати. Казни сына своего от юности его, и покоит тя на старость твою, и даст красоту душе твоей. И не ослабляй, бия младенца: аще бо жезлом биеши его, не умрет, но здравее будет, ты бо, бия его по телу, а душу его избавлявши от смерти. Дщерь ли имаши: положи на них грозу свою, соблюдеши я от телесных2: да не иосрамиши лица своего, да в послушании ходит; да не свою нолю приимши, и в неразумии сотворится знаем твоим в посмех, и посрамят тя пред множеством народа; аще бо отдаси дщерь свою без порока, то яко велико дело совершиши, и посреди собора похвалишися, при концы не постонеши на ню.

Любя сына своего, учащай ему раны, да последи о нем нозвеселишися. Казни сына своего измлада, и порадуешися о нем в мужестве: и посреди злых похвалишися, и зависть приимут враги твои. Воспитай детище с прещением и обрящеши о нем покой и благословение. Не смейся к нему, игры творя: в мале бо ся ослабиши, в велице поболиши, скорбя, и после жн яко оскомины твориши душе твоей. И не дажь ему пласта во юности, но сокруши ему ребра, донележе растет, а, ожесточав, не повинет ти ся, и будет ти досажение, и болезнь души, и тщетна домови, погибель имению, и укоризна от сусед, посмех пред враги, пред властию платеж и досада зла.